Rossiyaning “Vnukovo” aeroporti bojxona xodimlari O‘zbekistondan veterinar sertifikatsiz keltirilgan 13 partiya go‘sht mahsulotlarini qo‘lga oldi. Bu haqda “Vesti Podmoskovya” portaliga tayanib, Sputnik xabar qilmoqda.
Mintaqadagi Rosselxoznadzor boshqarmasi vakilining jurnalistlarga ma’lum qilishicha, xavfli mahsulotlar yo‘lovchilarning qo‘l yukidan topilgan. Yo‘lovchilar hech qanday kerakli hujjatni taqdim etolmagan.
Eslatib o‘tamiz, avvalroq Rossiya O‘zbekistondan kelayotgan yo‘lovchilar uchun bagaji va qo‘l yukida o‘simlik mahsulotlarini olib kelishlariga vaqtinchalik cheklov o‘rnatgan edi.
Nozirlar 2018-yilda jami 134 marta karantinda bo‘lgan mahsulotlarni keltirish holatlarini qayd etishgan. 2017-yilda shunga o‘xshash holatlar 190 marta kuzatilgan.
Izoh (0)