2019 йил 15 январь куни И.С. (исмли аёл) Фарғона шаҳар ИИБга мурожаат қилиб, унда жорий йилнинг 12 январь куни номаълум шахс «Жуйдам» МФЙ дала майдонида ўрта мактабнинг юқори синфида таҳсил олувчи ўғли ва унинг синфдоши С.Х. (исмли қиз)ларни куч ишлатиш йўли билан қўрқитиб, Samsung ва iPhone русумли мобил телефонларини олиб кетганлигини маълум қилган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Кўрилган чоралар натижасида ушбу жиноятни Янгиаср кўчасида яшовчи Ж.О. исмли шахс содир этганлиги аниқланиб, ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)