O‘zbekiston Respublikasi Qurolli Kuchlari akademiyasida Qurolli Kuchlar tashkil etilganining 27 yilligi hamda 14-yanvar – Vatan himoyachilari kuniga bag‘ishlangan yig‘ilish bo‘lib o‘tdi. Bu haqda O‘zA xabar bermoqda.
O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyevning O‘zbekiston Respublikasi Qurolli Kuchlari tashkil etilganining 27 yilligi va Vatan himoyachilari kuni munosabati bilan bayram tabrigi o‘qib eshittirildi.
Prezidentning 2019-yil 11-yanvardagi “Vatan himoyachilari kuni va O‘zbekiston Respublikasi Qurolli Kuchlarining 27 yilligi munosabati bilan huquqni muhofaza qilish organlari xodimlari va harbiy xizmatchilardan bir guruhini mukofotlash to‘g‘risida”gi farmoni bilan taqdirlangan harbiylarga II darajali “Shon-sharaf“, “Do‘stlik“ ordenlari, “Jasorat“, “Sodiq xizmatlari uchun“ medallari tantanali ravishda topshirildi.
Tizimda uzoq yillar samarali xizmat ko‘rsatgan faxriylarga esdalik nishonlari topshirildi. Shuningdek, bir qator ofitserlarga polkovnik harbiy unvoni berildi.
Izoh (0)