2019-yilning 1-yanvaridan boshlab “O‘zbektelekom” AK ning IPTV xizmatidan foydalanuvchilar uchun yangilik joriy etildi. Bu haqda kompaniya matbuot xizmati xabar berdi.
Endilikda oy davomida TelecomTV platformasida film va seriallarning to‘liq bazasini cheklovsiz tomosha qilish mumkin bo‘ladi.
Kontentni tomosha qilish imkoniyati oyiga 5000 so‘mga obuna bo‘lish evaziga beriladi. Bunda kontentni mana shu vaqtdan boshlab tomosha qilish uchun ro‘yxatdan o‘tish shart bo‘lmaydi.
“Shuningdek, yana bir yangilik paydo bo‘ldi — siz o‘zingizning sevimli film va seriallaringiz to‘plamini tuzishingiz mumkin. Xizmatdan Android platformasida ishlovchi qurilmalar yordamida foydalanish ham oson”, — deyiladi xabarda.
Izoh (0)