«Ўзбектелеком» АК IPTV хизматидан фойдаланувчилар учун янгилик жорий қилди 

2019 йилнинг 1 январидан бошлаб «Ўзбектелеком» АК нинг IPTV хизматидан фойдаланувчилар учун янгилик жорий этилди. Бу ҳақда компания матбуот хизмати хабар берди.

Эндиликда ой давомида TelecomТВ платформасида фильм ва сериалларнинг тўлиқ базасини чекловсиз томоша қилиш мумкин бўлади.

Контентни томоша қилиш имконияти ойига 5000 сўмга обуна бўлиш эвазига берилади. Бунда контентни мана шу вақтдан бошлаб томоша қилиш учун рўйхатдан ўтиш шарт бўлмайди.

«Шунингдек, яна бир янгилик пайдо бўлди — сиз ўзингизнинг севимли фильм ва сериалларингиз тўпламини тузишингиз мумкин. Хизматдан Android платформасида ишловчи қурилмалар ёрдамида фойдаланиш ҳам осон», — дейилади хабарда.