8-yanvarning e’tiborga molik yangiliklari — “Daryo” dayjestida.
2019-yilda O‘zbekistonda internet tezligi oshadimi? Bu savolga axborot texnologiyalari va kommunikatsiyalarini rivojlantirish vazirining birinchi o‘rinbosari Olimjon Umarov javob berdi.
Vazirlik tomonidan telekommunikatsiya xizmatlari tezligi va sifatini oshirish, telekommunikatsiya infratuzilmasini yaxshilashga qaratilgan 2019—2023-yillarga mo‘ljallangan Milliy dastur loyihasi ishlab chiqilgan va hozirgi kunda kelishish jarayonida.
Dasturga asosan:
- 120 000 kilometrdan ortiq optik tolali aloqa liniyalari qurilishi;
- 6 000 dan ortiq mobil aloqa baza stansiyalari qurilishi;
- Keng polosali tarmoq sig‘imi 1,5 million portga kengaytirilishi;
- Ma’lumotlarni saqlash va qayta ishlash markazlari sig‘imi kengaytirilishi va yangilarining qurilishi;
- Tashqi internetga ulanish qobiliyatini qo‘shimcha 10 barobar oshirish;
***
Namanganda qarovsiz qolgan 2 yoshli bola gugurt bilan uyni yoqib yubordi.
7-yanvar kuni Namangan shahar “Quyi Rovuston” MFYda yashovchi 25 yoshli N.F.(ismli ayol)ning uyida 2 yoshli qizi M.A. bolalar maneji ichida nazoratsiz qolib, gugurt o‘ynashi oqibatida yong‘in kelib chiqqan.
Natijada alanga xonadagi pardaga o‘tib, yonayotgan parda bolaning ustiga tushgan vaqtida N.F. tomonidan o‘chirilgan. Oqibatda ona va bola kuyish jarohatlari bilan kasalxonaga yotqizilgan.
***
Majburiy ijro byurosi xodimlari Sergeli dehqon bozoriga tashrif buyurdi. Bozor ma’muriyati oltita tashkilotdan qariyb 3 milliard so‘m qarz bo‘lib qolgan. Faqat soliq organlarining o‘ziga ular 1,4 milliard so‘m qarzini to‘lashi kerak.
Bozor rahbarining o‘rinbosari so‘zlariga ko‘ra, 2013-yilda tekshiruvlar chog‘ida aniqlangan. Bozorning har oylik daromadi esa 130 million so‘mni tashkil etadi. Olingan daromadlarning bari qarzlarni to‘lashga ketmoqda.
***
Suriyaga o‘tgan sutkada Livan va Iordaniyadan bir mingdan ortiq qochoq qaytdi.
Qayd etilishicha, jami 1120 nafar qochoq qo‘shni mamlakatlardan Suriyaga qaytgan, shu jumladan, Livandan 404 kishi, Iordaniyadan 716 kishi qaytgan.
Mamlakat ichidagi doimiy yashash joylariga esa bir sutka ichida 197 kishi qaytgan.
***
Zamonaviy rahbar va hokimlar qanday bo‘lishi kerak, nima uchun bugun ayrim hokimlar xodimlari bilan qo‘pol muomalada bo‘lmoqda? Bu savolga Farg‘ona viloyati hokimi Shuhrat G‘aniyev javob berdi.
— To‘g‘ri, ba’zan ijtimoiy tarmoqlarda rahbarlarning xodimlarga qo‘pol munosabatda bo‘lganligi haqida xabarlar ham tarqalib qoladi. Bu voqelikka hech kim befarq emasligidan, jamoatchilik nazoratining kuchayib borayotganidan dalolatdir. To‘g‘ri, rahbar ham inson, u ham xato qilishi mumkin, ammo u hech qachon qo‘l ostidagilarni tahqirlashga qonunan ham, ma’nan ham haqli emas, — dedi u.
Izoh (0)