8 январнинг эътиборга молик янгиликлари — «Дарё» дайжестида.
2019 йилда Ўзбекистонда интернет тезлиги ошадими? Бу саволга ахборот технологиялари ва коммуникацияларини ривожлантириш вазирининг биринчи ўринбосари Олимжон Умаров жавоб берди.
Вазирлик томонидан телекоммуникация хизматлари тезлиги ва сифатини ошириш, телекоммуникация инфратузилмасини яхшилашга қаратилган 2019—2023 йилларга мўлжалланган Миллий дастур лойиҳаси ишлаб чиқилган ва ҳозирги кунда келишиш жараёнида.
Дастурга асосан:
- 120 000 километрдан ортиқ оптик толали алоқа линиялари қурилиши;
- 6 000 дан ортиқ мобил алоқа база станциялари қурилиши;
- Кенг полосали тармоқ сиғими 1,5 миллион портга кенгайтирилиши;
- Маълумотларни сақлаш ва қайта ишлаш марказлари сиғими кенгайтирилиши ва янгиларининг қурилиши;
- Ташқи интернетга уланиш қобилиятини қўшимча 10 баробар ошириш;
***
Наманганда қаровсиз қолган 2 ёшли бола гугурт билан уйни ёқиб юборди.
7 январь куни Наманган шаҳар «Қуйи Ровустон» МФЙда яшовчи 25 ёшли Н.Ф.(исмли аёл)нинг уйида 2 ёшли қизи М.А. болалар манежи ичида назоратсиз қолиб, гугурт ўйнаши оқибатида ёнғин келиб чиққан.
Натижада аланга хонадаги пардага ўтиб, ёнаётган парда боланинг устига тушган вақтида Н.Ф. томонидан ўчирилган. Оқибатда она ва бола куйиш жароҳатлари билан касалхонага ётқизилган.
***
Мажбурий ижро бюроси ходимлари Сергели деҳқон бозорига ташриф буюрди. Бозор маъмурияти олтита ташкилотдан қарийб 3 миллиард сўм қарз бўлиб қолган. Фақат солиқ органларининг ўзига улар 1,4 миллиард сўм қарзини тўлаши керак.
Бозор раҳбарининг ўринбосари сўзларига кўра, 2013 йилда текширувлар чоғида аниқланган. Бозорнинг ҳар ойлик даромади эса 130 миллион сўмни ташкил этади. Олинган даромадларнинг бари қарзларни тўлашга кетмоқда.
***
Сурияга ўтган суткада Ливан ва Иорданиядан бир мингдан ортиқ қочоқ қайтди.
Қайд этилишича, жами 1120 нафар қочоқ қўшни мамлакатлардан Сурияга қайтган, шу жумладан, Ливандан 404 киши, Иорданиядан 716 киши қайтган.
Мамлакат ичидаги доимий яшаш жойларига эса бир сутка ичида 197 киши қайтган.
***
Замонавий раҳбар ва ҳокимлар қандай бўлиши керак, нима учун бугун айрим ҳокимлар ходимлари билан қўпол муомалада бўлмоқда? Бу саволга Фарғона вилояти ҳокими Шуҳрат Ғаниев жавоб берди.
— Тўғри, баъзан ижтимоий тармоқларда раҳбарларнинг ходимларга қўпол муносабатда бўлганлиги ҳақида хабарлар ҳам тарқалиб қолади. Бу воқеликка ҳеч ким бефарқ эмаслигидан, жамоатчилик назоратининг кучайиб бораётганидан далолатдир. Тўғри, раҳбар ҳам инсон, у ҳам хато қилиши мумкин, аммо у ҳеч қачон қўл остидагиларни таҳқирлашга қонунан ҳам, маънан ҳам ҳақли эмас, — деди у.
Изоҳ (0)