Britaniya Qora dengiz Rossiyaga tegishli emasligini ma’lum qildi

Buyuk Britaniya mudofaa vaziri Geyvin Uilyamson Qora dengiz Rossiyaga tegishli emasligini ma’lum qildi. Bu haqda Reuters agentligi xabar bermoqda, deb yozadi “Gazeta.ru”.

Vazir bu haqda ukrainalik hamkasbi Stepan Poltorak bilan uchrashuvda ma’lum qildi. Ular birgalikda Odessa portiga tashrif buyurdi. U yerda avvalroq Britaniya qirollik floti kemasi HMS Echo prichalga bog‘langan edi.

“HMS Echo shu yerdaligining sababi shundaki… biz, birinchi navbatda, Ukraina bilan hamfikr ekanligimizni namoyish etish istagidamiz”, — dedi Uilyamson.

Uning so‘zlariga qaraganda, London, shuningdek, Odessa va boshqa portlarga kirish huquqini ko‘rsatishni istaydi, chunki Qora dengiz “xalqaro” dengiz hisoblanadi.