Joriy yilning 3-dekabr kunida Buxoro viloyati FVB tezkor navbatchi qismiga Buxoro shahridagi Al Somiy ko‘chasida istiqomat qiluvchi fuqaro S.Sh. uy ichida 7 yoshlik qizi qulflanib qolganligini aytib amaliy yordam ko‘rsatishni so‘radi. Bu haqda O‘zbekiston Favqulodda vaziyatlar vazirligi xabar bermoqda.
Mazkur murojaat yuzasidan boshqarmaning qutqaruv otryadi zudlik bilan belgilangan manzilga yetib borib, maxsus texnikalar yordamida yopilib qolgan xonadon eshigini ochdi va olib borilgan tezkor harakatlar natijasida uy ichida qolib ketgan fuqaro sog‘-salomat ota-onasiga topshirildi. Bu orqali yuzaga kelishi mumkin bo‘lgan favqulodda vaziyatning oldi olindi.
Izoh (0)