Yevropada va umuman dunyoning ko‘pchilik hududlarida uy ijaraga olish katta bosh og‘rig‘i keltirib chiqarishi mumkin. Lekin Germaniyada joylashgan Fuggeray shahrida uyning bir yillik ijara haqi 88 sentni tashkil qiladi. Bu narx shaharda 1520-yildan buyon o‘zgargani yo‘q, deb ma’lum qiladi AdMe.
Shaharchaga 1520-yilda bir badavlat bankir tomonidan asos solingan bo‘lib, u muhtojlarga boshpana bo‘lishi mo‘ljallangan edi. Bu an’ana hozirgacha saqlab qolingan — shahardagi 67 ta uyda joylashgan 147 xonadon Yevropadagi eng eski ijtimoiy turar joy hisoblanadi.
Ammo bu yerdan boshpana topishga da’vogar bir qancha talablarga javob berishi — katolik bo‘lishi, kuniga uch mahal ibodat qilishi, shuningdek, kamida ikki yil davomida qo‘shni Augsburgda yashashi lozim.
Eski uylarning ichki dizayni zamonaviy taunxauslarni eslatadi. Har bir xonadon maxsus kirishga ega. Interyer juda kamtarona va oddiy, lekin har bir xonadon zaruriy jihozlarga ega.
Hammomda ham barcha sharoitlar, shu jumladan, kir yuvish mashinasi va suv isituvchi moslama bor.
Yotoqxona ham kamtarona, lekin qulay jihozlangan.
Izoh (0)