Европада ва умуман дунёнинг кўпчилик ҳудудларида уй ижарага олиш катта бош оғриғи келтириб чиқариши мумкин. Лекин Германияда жойлашган Фуггерай шаҳрида уйнинг бир йиллик ижара ҳақи 88 сентни ташкил қилади. Бу нарх шаҳарда 1520 йилдан буён ўзгаргани йўқ, деб маълум қилади AdMe.
Шаҳарчага 1520 йилда бир бадавлат банкир томонидан асос солинган бўлиб, у муҳтожларга бошпана бўлиши мўлжалланган эди. Бу анъана ҳозиргача сақлаб қолинган — шаҳардаги 67 та уйда жойлашган 147 хонадон Европадаги энг эски ижтимоий турар жой ҳисобланади.
Аммо бу ердан бошпана топишга даъвогар бир қанча талабларга жавоб бериши — католик бўлиши, кунига уч маҳал ибодат қилиши, шунингдек, камида икки йил давомида қўшни Аугсбургда яшаши лозим.
Эски уйларнинг ички дизайни замонавий таунхаусларни эслатади. Ҳар бир хонадон махсус киришга эга. Интерьер жуда камтарона ва оддий, лекин ҳар бир хонадон зарурий жиҳозларга эга.
Ҳаммомда ҳам барча шароитлар, шу жумладан, кир ювиш машинаси ва сув иситувчи мослама бор.
Ётоқхона ҳам камтарона, лекин қулай жиҳозланган.
Изоҳ (0)