Magnitogorskdagi uy podyezdi qulashi oqibatida halok bo‘lganlar soni 24 kishiga yetdi

Qutqaruvchilar Magnitogorskdagi xarobalar ostidan 24 kishining jasadini chiqarib oldi, deb yozadi Meduza FVVning Toshkent vaqti bilan 20:50 holatiga bergan xabariga tayanib.

17 kishi bedarak yo‘qolgan deb hisoblanilmoqda.

Qutqaruvchilar, shuningdek, podyezdning qidiruv operatsiyasi ishtirokchilari uchun eng katta xavf tug‘diruvchi devorlaridan birini demontaj qildi.

10 qavatli uyning podyezdi 31-dekabr kuni gaz portlashi oqibatida vayron bo‘lgan edi.