Fotogalereya: Aqlbovar qilmas tabiat hodisalari

AdMe nashri tabiatning fantaziyasi chegara bilmasligini isbotlovchi suratlar jamlanmasini tayyorladi.

Loyli momaqaldiroqlar

Loy, balchiqli momaqaldiroqlar vulqon etagida chaqmoq paydo bo‘lgan vaqtda yuzaga keladi.

Namibiyadagi “sehrli aylanalar”

Tadqiqotchilarning fikricha, ushbu sirli hodisa qum termitlari “mehnati mahsuli” bo‘lishi mumkin.

Gigantlar yo‘li

Shimoliy Irlandiyadagi qadimiy vulqonning otilishi oqibatida bir-biriga zich yopishgan 40 mingta bazalt ustunchalardan iborat makon yuzaga kelgan.

Lentikulyar bulut

AQShning Jorjiya shtati osmonida paydo bo‘lgan bulut — juda kamyob hodisa.

Katatumbo chaqmog‘i

Yilning 140—160 tuni davomida, tuniga 10 soat va bir soatda 280 martagacha suv ustida chaqmoq chaqib turadi.

Rojdestvo orolining qizil qisqichbaqalari

Har yili 43 million qisqichbaqa tuxum qo‘yish uchun okean sohiliga keladi. Mahalliy ma’muriyat qisqichbaqalarning ko‘chishiga xalal bermaslik maqsadida, bir hafta davomida orolning aksariyat yo‘llarini yopiq deb e’lon qiladi.

Buyuk Ko‘k botiq

Beliz sohillari yaqinidagi mazkur bahaybat karst chuqurlikning diametri 300 metrdan ortiq, chuqurligi esa 124 metrga yetadi.

Asperatus buluti

Undulatus asperatus yoki, boshqacha qilib aytganda, g‘adir-budur to‘lqinlar.

Tanzaniyadagi Natron ko‘li

Qaynoq buloqlar suvi hisobiga to‘lgan ushbu sho‘r ko‘l kichik flamingolar ko‘payadigan yagona joy hisoblanadi.

Dog‘li ko‘l

Kanadadagi Kliluk ko‘li — magniy, kaltsiy va natriy sulfatining jahondagi eng katta zaxirasiga ega joydir.

Turkmanistondagi “Jahannam darvozasi”

Tadqiqotchilarning no‘noq harakatlari oqibatida 1971-yili boshlangan yong‘in hali ham to‘xtagan emas.

Yangi Zelandiyadagi sharsimon valunlar

Sohildagi argillit jinslarning yemirilishi natijasida hosil bo‘lgan sharsimon predmetlar suv yuzasiga chiqib qolgan.

Xavfli muz pufakchalar

Kanadadagi Abraham ko‘lidagi muz qopqonga tushib qolgan metan pufakchalar.

Muzlagan gullar

Dengiz va ko‘llarning sokin suvlarida, suv yuzasi yengil muzlayotgan vaqtda havo birdan keskin sovib ketsa, juda go‘zal shakllar paydo bo‘ladi.

Qora quyosh

50 mingdan ortiq chug‘urchiqlarning osmondagi ulkan to‘dasi.

O‘lim vodiysining harakatlanuvchi toshlari

Amerikadagi kimsasiz vodiyda g‘alati geologik hodisa kuzatiladi: qoya bo‘laklari birovning yordamisiz, harakatlanish izini qoldirgani holda, bir joydan ikkinchi joyga ko‘chadi.

Suvosti aylanalari

Yaponiya sohillarida erkak ignaqorin baliqlarning sa’y-harakatlari bilan atrofi naqshinkor aylanalar paydo bo‘ladi. Ignaqorinning erkagi bu ishi bilan urg‘ochisining e’tiborini tortishga harakat qiladi.

Monarx-kapalaklar ko‘chishi

Minglab kilometrlar maydonni qoplab olgani holda, kapalaklar to‘dasi Kanadadan AQSh janubi tomoni parvoz qiladi.

Gullagan sahro

Yog‘ingarchilik har doimgidan-da ko‘proq bo‘lgan yillarda Chilidagi Atakama cho‘li gullar va maysalar bilan qoplanadi.

Osilgan bulutlar

Bunday bulutlar kamdan-kam, asosan tropik kengliklardagi po‘rtanalar vaqtida uchraydi.

Maldiv sohillaridagi biolyuminestsent to‘lqinlar

Fitoplanktonlarning ba’zi turlari lyuminestsentsiya qobiliyatiga ega.

Kamalakdek jilo sochayotgan evkaliptlar

O‘z po‘stlog‘ini bo‘laklab tashlagani sabab, daraxt shunday ko‘rinishga kiradi.

Sardinalar yurishi

May oyidan iyulga qadar milliardlab sardinalardan tashkil topgan baliq to‘dalari Janubiy Afrika sohillari bo‘ylab suzib o‘tadi.