Yangi yil bayramini ko‘tarinki ruhda qarshi olish va munosib nishonlash maqsadida andijonlik yoshlar tashabbusi bilan “Yangi yilga 1000 ta Qorbobo” loyihasi tashkil etildi. Bu haqda O‘zbekiston Yoshlar ittifoqi Andijon viloyati kengashi matbuot xizmati xabar bermoqda.
Andijon shahridagi Xotira xiyoboni atrofiga 600 nafarga yaqin Qorbobo yig‘ildi va bir hafta mobaynida amalga oshiriladigan ishlar bo‘yicha ma’lumot berildi.
Loyiha asosida O‘zbekiston Yoshlar ittifoqi boshlang‘ich tashkiloti yetakchilari, kengash faollari tomonidan 1000 ta qorbobo kiyimlari tayyorlandi. 31-dekabr kuniga qadar 12 yoshgacha bo‘lgan bolalarga bayram shukuhini ulashish uchun har bir mahallada, ko‘chalar, ko‘p qavatli uylar oldida va bolalar maydonchalarida bayram tadbirlarini tashkil etish, imkoniyati cheklangan o‘g‘il-qizlar, kam ta’minlangan oilalar farzandlarining ko‘nglini olish, ularga homiylarning bayram sovg‘alarini yetkazib berish rejalashtirilmoqda.
Izoh (0)