Amerika Qo‘shma Shtatlari O‘zbekiston bilan ikki tomonlama munosabatlar o‘rnatish paradigmasini o‘zgartirdi, deb hisoblaydi Markaziy Osiyo va Kavkaz instituti raisi Frederik Starr. Bu haqda “Podrobno.uz” xabar berdi.
AQSh Davlat departamentining O‘zbekistonni “alohida tashvishli davlatlar ro‘yxati”dan chiqarishi haqidagi qarorini sharhlar ekan, amerikalik ekspert, Vashingtonning “mamlakatda ishlash” eski uslubidan chiqib, ikki tomonlama munosabatlarni qurishda o‘zgargan paradigmasini qayd etdi.
“Amerika Qo‘shma Shtatlari, musulmon dunyosida mutlaqo innovatsion hodisalar yuz berayotganini tan olish vaqti keldi va bugungi kunda O‘zbekistonda sodir bo‘layotganlarning ham ana shunday muhim jihati — diniy erkinlik uchun zarur bo‘lgan dunyoviy davlatni himoya qilish sanaladi”, — deya Frederik Starrning so‘zlarini TIV matbuot xizmati sharhladi.
AQSh Davlat departamentining diniy ozchiliklar masalalari bo‘yicha maslahatchisi Knoks Temz mamlakatda amalga oshirilayotgan islohotlar va o‘zgarishlarga yuksak baho berib, “Markaziy Osiyo yuragida joylashgan O‘zbekiston mintaqaning tarixida juda muhim rol o‘ynaganini” ta’kidladi.Amerikalik diplomat O‘zbekistonni hukumatining aniq chora-tadbirlarini belgilab berar ekan, O‘zbekiston qonunchilik darajasida BMT hisobotlarida bayon etilgan tavsiyalar uchun yagona mexanizmni qabul qilgan yagona mamlakatga aylanganini qayd etdi.
“Men bu sohada 20 yildan ortiq vaqt mobaynida faoliyat olib borganimni va odatda, bunday ma’ruzalar taqdim etilganda, ular yoki e’tibordan chetda qolishi, yoki umuman ahamiyatga olinmasligini aytmoqchiman... Men hech qachon Birlashgan Millatlar Tashkilotining tavsiyalariga ijobiy javob berib, o‘zining milliy qonunchiligida rioya qilgan bunday mamlakatni ko‘rmaganligimni tan olaman”, dedi Knoks Temz.
Global ishtirok etish institutining faxriy prezidenti Kris Saypl “O‘zbekiston diniy millatchilik, etnik va diniy ozchiliklarni repressiya qiladigan barcha global tendensiyalarga qarshiligini” qayd etdi.Unity Productions Foundation dasturi direktori Deniyel Tatt, diniy va madaniy xilma-xillikni, ayniqsa musulmonlar va boshqa e’tiqodlar orasida mustahkamlashni qo‘llab-quvvatlovchi AQShning eng yirik media tashkiloti bo‘lib, ular O‘zbekistonga tashrif buyurib, uning madaniyati va merosi haqida kichik film tayyorlamoqchi ekanligini, mamlakatning tarixi haqida ko‘proq bilib, uni boshqalarga ham hikoya qilmoqchiligini qayd etdi.
Izoh (0)