O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi tashqi reklamada ishlatilishi taqiqlangan so‘z va so‘z birikmalari ro‘yxatini ishlab chiqdi. Bu haqda “Spot” xabar berdi.
Reklama faoliyatini nazorat va iste’molchilar huquqlarini himoya qilish Boshqarmasi boshlig‘i Dilshod Azimovning aytishicha, avval tashqi reklama tasvirlari hududiy antimonopoliya organlari va boshqa tashkilotlar bilan kelishilgan. 2018-yilning 1-iyunidan ekspertiza bekor qilindi, undagi barcha ma’lumot uchun javobgarlik reklama beruvchining o‘ziga tushgan. Ushbu qarorning ijobiy tomonlari bilan salbiy tomonlari ham yuzaga keldi.
Bozorda reklama to‘g‘risidagi qonunni bilmaydiga va uni buzadigan yangi ishtirokchilar paydo bo‘ldi.
1-iyungacha komissiya eskizlarni axloqiy me’yorlar, jamiyat mentaliteti va boshqa qoidalardan kelib chiqib baholagan. Shu sababli ba’zida reklamani tasdiqlashda reklama beruvchilarning noroziligi kelib chiqqan.
Shu sababli yirik reklama agentliklari Davlat Raqobat qo‘mitasiga tashqi reklama talab va me’yorlarini ishlab chiqish taklifi bilan chiqdi.
Qo‘mita tomonidan ishlab chiqilgan ro‘yxatga “benuqson”, “ilk”, “eng yaxshi”, “yetakchi”, “peshqadam” kabi so‘zlarni, farmatsevtika kompaniyalari uchun “samarali vosita”, “butun oila uchun”, “davolanish uchun optimal yechim”, “tezda hayot sifatini yaxshilaydi”, “ilk tanlov vositasi” kabi so‘z birikmalarini ishlatish tavsiya etilmaydi.
“Taqqoslama reklamalar tavsiya etilmaydi. Masalan, “Aqlli bekalar Ariel’ni tanlaydi”. Agar boshqa beka Tide ishlatsa bu uning ahmoqligidan dalolat bermaydi”, — deydi qo‘mita vakili.
Izoh (0)