Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ташқи рекламада ишлатилиши тақиқланган сўз ва сўз бирикмалари рўйхатини ишлаб чиқди. Бу ҳақда «Spot» хабар берди.
Реклама фаолиятини назорат ва истеъмолчилар ҳуқуқларини ҳимоя қилиш Бошқармаси бошлиғи Дилшод Азимовнинг айтишича, аввал ташқи реклама тасвирлари ҳудудий антимонополия органлари ва бошқа ташкилотлар билан келишилган. 2018 йилнинг 1 июнидан экспертиза бекор қилинди, ундаги барча маълумот учун жавобгарлик реклама берувчининг ўзига тушган. Ушбу қарорнинг ижобий томонлари билан салбий томонлари ҳам юзага келди.
Бозорда реклама тўғрисидаги қонунни билмайдига ва уни бузадиган янги иштирокчилар пайдо бўлди.
1 июнгача комиссия эскизларни ахлоқий меъёрлар, жамият менталитети ва бошқа қоидалардан келиб чиқиб баҳолаган. Шу сабабли баъзида рекламани тасдиқлашда реклама берувчиларнинг норозилиги келиб чиққан.
Шу сабабли йирик реклама агентликлари Давлат Рақобат қўмитасига ташқи реклама талаб ва меъёрларини ишлаб чиқиш таклифи билан чиқди.
Қўмита томонидан ишлаб чиқилган рўйхатга «бенуқсон», «илк», «энг яхши», «етакчи», «пешқадам» каби сўзларни, фармацевтика компаниялари учун «самарали восита», «бутун оила учун», «даволаниш учун оптимал ечим», «тезда ҳаёт сифатини яхшилайди», «илк танлов воситаси» каби сўз бирикмаларини ишлатиш тавсия этилмайди.
«Таққослама рекламалар тавсия этилмайди. Масалан, «Ақлли бекалар Ariel’ни танлайди». Агар бошқа бека Tide ишлаца бу унинг аҳмоқлигидан далолат бермайди», — дейди қўмита вакили.
Изоҳ (0)