Klublar o‘rtasidagi JCh finalida olingan qizil kartochka YChLda hisobga olinadi

FIFA tomonidan klublar o‘rtasidagi Jahon chempionati qoidalariga o‘zgartirishlar kiritildi, deb xabar beradi AS nashri.

Yangi qoidalarga ko‘ra, klublar o‘rtasidagi Jahon chempionati finalida qizil kartochka olgan futbolchilar Yevrokubok o‘yinlaridan diskvalifikatsiya qilinadi.

“Real Madrid” klublar o‘rtasidagi mundial ishtirok etayotgan Yevropa jamoasi bo‘lgani uchun, ayni damda ushbu qoida madridliklar uchun amal qiladi. Agar “Real” futbolchisi Jahon chempionatining finalida qizil kartochka bilan jazolansa, u Chempionlar Ligasi uchrashuvida diskvalifikatsiya qilinadi.

Eslatib o‘tamiz, 19-dekabr, chorshanba kuni “Qirollik klubi” klublar o‘rtasidagi Jahon chempionatining yarim final bosqichida Yaponiyaning “Kashima Antlers”ga qarshi maydonga tushadi.

Ikkinchi yarim final esa 18-dekabr, seshanba kuni bo‘lib o‘tadi. Unda “River Pleyt” va “Al-Ayn” jamoalari bahs olib boradi.

Ma’lumot uchun, Chempionlar Ligasining 1/8 finalida “Real” “Ayaks”ga qarshi maydonga tushadi.