“O‘FA va O‘zPFL tomonidan o‘tkaziladigan musobaqalarda ishtirok etuvchi futbol klublarini litsenziyalash va professional futbol klubi maqomini belgilash bo‘yicha reglament” ko‘ra klublarni litsenziyalash bo‘yicha Ishchi guruhi 4-dekabr kuni “So‘g‘diyona” va 12-dekabr kuni “Metallurg” futbol klublarida belgilangan talablarning bajarilishi yuzasidan monitoring o‘tkazdi, deb xabar beradi PFL matbuot xizmati.
O‘rganishlar jarayonida ikkala futbol klublari stadionlari maydonining talab darajasida emasligi, maydon yoritish tizimini mutaxassislarni jalb etgan holda sozlash kerakligi, stadiondagi o‘rindiqlar, futbolchilarning kiyinish xonalari, hakamlar va komissar xonalari ta’mirtalab holatga kelib qolganiligi, futbol akademiyasini tashkil etish choralari ko‘rilmagani, moliyaviy qarzdorliklarni bartaraf etilmagani, shuningdek, “So‘g‘diyona” stadionida OAV hodimlari uchun yetarlicha sharoitning mavjud emasligi aniqlangan.
“So‘g‘diyona” va “Metallurg” futbol klublari tomonidan mazkur kamchiliklar joriy yil 25-dekabr sanasiga qadar bartaraf etish choralari ko‘rilmasa, O‘zbekiston Professional futbol ligasining klublarni litsenziyalash bo‘yicha ishchi guruhi xulosasiga asosan futbol klublarini kelasi mavsum uchun Superligadan chetlashtirish masalasi ko‘rib chiqiladi, deyiladi xabarda. Bu borada “So‘g‘diyona” va “Metallurg” futbol klublari PFL tomonidan jiddiy ogohlantirgan.
Avvalroq xuddi shunday kamchiliklarga ega “Buxoro” klubi ham Superligadan chetlatilishi mumkinligi haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)