Rossiyaning “Rossiya sifat tizimi” (“Roskachestvo”) tashkiloti Mahsulotlar sifati sinovi va tadqiqotlari tashkilotlarining xalqaro assotsiatsiyasi bilan hamkorlikda 2018-yilning eng yaxshi smartfonlari reytingini tuzdi. Bu haqda tashkilot o‘zining saytida ma’lum qildi.
Sinovlar natijasida 2018-yilning eng yaxshi smartfoni Samsung Galaxy Note 9 bo‘lib chiqdi. Mutaxassislarning fikricha, uning yagona kamchiligi shovqinli sharoitda kuchsiz eshitilishi hisoblanadi.
Reytingning ikkinchi va uchinchi o‘rinlaridan mos ravishda iPhone XS Max va iPhone XS o‘rin olgan. Ularning kamchiligi sifatida barabandagi mustahkamlik sinovida jiddiy zararlanish qayd etilgani bo‘lgan. 50 marta tushishdan keyin Max’da ekran jiddiy zararlangan, oddiy XS’da esa kamera singan.
Samsung Galaxy S9, S9+ va S8 reytingda keyingi uchta o‘rinni egallagan.
Izoh (0)