Namangan shahridagi markaziy ko‘chalarga maxsus chiqindi konteynerlari o‘rnatilmoqda. Bu haqda “Daryo”ga “Toza hudud” DUK shahar filiali boshlig‘i Dilshod Vohisov ma’lum qildi.
—Namangandagi mingga yaqin korxona-tashkilot va muassasa, 42 ta mahallaga xizmat ko‘rsatamiz. Shaharning sanitariya holatini yaxshilash uchun “Kamel-aymon” MChJ tomonidan ishlab chiqarilayotgan 15 ta maxsus chiqindi konteyneri xarid qilindi. Ular Bobur, Qo‘qon, Uychi kabi markaziy va chiqindi ko‘p to‘kiladigan ko‘chalarga joylashtirilishi rejalashtirilgan, — deydi filial boshlig‘i Dilshod Vohisov.
Shuningdek, bekat ko‘rinishida ishlanib, usti yopilgan, plastmassa, qog‘oz, shisha chiqindilari alohida tashlanadigan 10 ta zamonaviy chiqindixona ham shaharning gavjum joylariga o‘rnatilmoqda.
Ma’lumot uchun, “Toza hudud” Namangan shahar filiali tomonidan bir kecha-kunduzda hududdan 250 tonnagacha chiqindi olib ketilmoqda.
Izoh (0)