O‘zbekiston san’at arbobi, kinorejissor Zulfiqor Musoqov “Berlin-Oqqo‘rg‘on” nomli to‘liq metrajli badiiy filmini suratga oldi. Bu haqda O‘zA xabar bermoqda.
Ushbu filmda 1941—1945-yillarda kechgan Ikkinchi jahon urushida o‘zbek millatining jasur va mard o‘g‘lonlari, shuningdek, front ortidagi O‘zbekiston xalqining ko‘rsatgan beminnat mehnatlari hamda insoniylik munosabatlari aks ettirilgan.
Joriy yilning 14-dekabr kuni soat 15.00 da Alisher Navoiy nomidagi kinosaroyda “Berlin-Oqqo‘rg‘on” nomli badiiy filmning faqat ommaviy axborot vositalari xodimlari uchun taqdimoti va namoyishidan so‘ng matbuot anjumani o‘tkazilishi rejalashtirilgan.
“Berlin-Oqqo‘rg‘on” badiiy filmning ijodkorlari shu kuni jurnalistlarni qiziqtirgan barcha savollarga yuzma-yuz javob beradi.
Izoh (0)