Kecha, 10-dekabr kuni “O‘zekspomarkaz”da “X Ijtimoiy media-mahsulotlar milliy” festivali bo‘lib o‘tdi, deb xabar berdi “Darakchi.uz”.
Tanlov 3 ta nominatsiyadan iborat edi:
- “Madaniy-tarixiy O‘zbekiston”;
- “O‘zbekiston – turistik maskani”;
- “Gastronomik O‘zbekiston”.
Festival gran-prisi — bosh sovrin – Spark avtomobili MTRK “O‘zbekiston24” dasturining jurnalisti Saida Davletovaga nasib etdi. Ikkita final qatnashchisiga televizor va noutbuk taqdim etildi.
Festivalda, shuningdek, xorijiy ishtirokchilarning roliklari ham qo‘yildi. Ekspert guruhi tomonidan Yaponiyaning “Nippon TV” telekanali ijodkorlarining ijodiy mahsuli eng yaxshi deb topildi. Tanlovda g‘olib bo‘lgan xorijlik ishtirokchi uchun asosiy sovrin – VIP-tur - O‘zbekistonning eng ko‘p o‘rganilmagan, sirli va muqaddas joylariga tashrif buyurish imkoniyati yaratiladi.
VIP-tur tashkilotchisi – O‘zbekiston Respublikasi Turizmni rivojlantirish davlat qo‘mitasi.
Ta’kidlash joiz, festivalda kelgusi yilning mukofot jamg‘armasi 500 million so‘m miqdorda tashkil etilishi e’lon qilindi.
Eslatib o‘tamiz, “X Ijtimoiy media-mahsulotlar milliy” festivali “O‘zbekiston madaniy merosi jahon to‘plamlarida” loyihasiga bag‘ishlangan xalqaro media-forum doirasida o‘tkazildi.
Izoh (0)