10-dekabar kuni bo‘lib o‘tgan Ijtimoiy media mahsulotlari X Milliy festivalida BBC o‘zbek xizmati “O‘zbekiston do‘stlari” diplomi va esdalik belgisi bilan taqdirlandi. Bunday mukofot O‘zbekistonda BBC uchun birinchi marta berilishi, deya xabar beradi “Turon 24”.
“To‘g‘risi, kutmagandim. BBC o‘zbek xizmati bir necha xalqaro mukofotlarni olgan. Ammo O‘zbekistonda hech qachon bu tarzda taqdirlanmagan. BBC birinchi marta O‘zbekistonda do‘st sifatida taqdirlandi. Umid qilamanki, bu taqdirlov o‘zbek hukumatining BBC’ga nisbatan munosabati iliqlashgani, qandaydir ijobiy o‘zgarishlar bo‘layotgani nishonasidir. BBC dunyoni O‘zbekistonga, O‘zbekistonni dunyoga tanitishda davom etadi", deydi o‘zbek xizmati bosh muharriri Xayrullo Fayz.
BBC 2005-yili O‘zbekistondan chiqib ketgan edi. Prezident Shavkat Mirziyoyev joriy yil oktabr oyida Parijga qilgan tashrifi chog‘i BBC’ga O‘zbekistonda faoliyat yuritishi uchun ruxsat bo‘lishini aytgandi.
Izoh (0)