Xitoy huquq-tartibot organlari tomonidan 2015-yildan buyon iqtisodiy jinoyatlar sodir etganlikda gumonlanayotgan 4,8 ming shaxs chet eldan qaytarildi. Bu haqda “TASS” xabar berdi.
2015-yilning mart oyida Xitoyda mamlakatga qochoq korrupsonerlarni qaytarish bo‘yicha kampaniya boshlandi. Shu vaqt ichida Xitoyga 120 mamlakatdan 4883 nafar gumonlanuvchi (xususan 995 nafar davlat xizmatchilari), shuningdek 54 nafar Interpol tomonidan qidirilayotganlar hamda xorijga noqonuniy olib chiqilgan 10,3 milliard yuan (1,5 milliard AQSh dollar) qaytarildi.Ayni damda Xitoy 71 mamlakat bilan ekstradatsiya to‘g‘risida 54 ta kelishuv hamda jinoiy sud ishida yordam ko‘rsatish to‘g‘risida 63 ta kelishuv imzolagan.
Izoh (0)