Termiz shahrida Koreya madaniyati kunlari boshlandi. Bu haqda “Turon 24” ma’lum qildi.
Shu munosabat bilan Termiz shahridagi “Yoshlar markazi”da Koreya kino festivalining ochilish marosimi bo‘lib o‘tdi.
Madaniyat kunlari doirasida kinofestival, qo‘shma hamkorlikdagi konsert, turli ijodiy uchrashuv va madaniy muloqotlar o‘tkazilishi ko‘zda tutilgan.
Jumladan:
“Yettinchi kameradagi mo‘jiza”, “G‘aroyib tush”, “Faqat sen” nomli Koreya filmlari namoyishi;
Termiz san’at saroyida Koryo raqs ansambli hamda “Boysun” folklor-etnografik xalq ansambli ijrosida qo‘shma konsertlar o‘tkaziladi.
Shuningdek, Koreya Respublikasining O‘zbekistondagi elchixonasi va “Koryo” raqs ansambli a’zolarining Termiz arxeologiya muzeyi, Termiz tumanidagi Fayoztepa, Qoratepa, Qirq qiz va Sulton Saodat singari qadimiy yodgorliklar, Sherobod tumanidagi Xo‘jaikon tuz koni, Boysun tumanidagi shifobaxsh xususiyatga ega Xo‘ja Mayxona bulog‘iga sayohati ham rejalangan.
Mazkur tadbir Surxondaryo viloyati hokimligi va Koreya Respublikasining O‘zbekistondagi elchixonasi hamkorligida tashkil etilmoqda.
Izoh (0)