2024-yilning oxiriga qadar “O‘zbekgidroenergo” AJ quvvati 30 MVtga teng 4 ta yirik va 16 ta kichik GES quradi. Shuningdek, mamlakatda mavjud 21 ta GES modernizatsiya qilinadi. Bu 2020—2024 yillarda O‘zbekistonda gidroenergetika sohasini rivojlantirish konsepsiyasida ko‘zda tutilgan, deya xabar beradi “Turon 24”.
Mazkur loyihalarni amalga oshirish uchun 2,6 milliard dollar ajratilgan bo‘lib, shundan 642 million dollari kreditlar hisobiga to‘g‘ri keladi.
Loyihaga ajratilgan umumiy summalarning 69 foizi yirik gidroelektrostansiyalar, 19 foizi kichik gidroelektrostansiyalar va qolgan 12 foizi modernizatsiya qilish uchun ishlatiladi. Bu barcha loyihalar bir vaqtning o‘zida qurilishini ta’minlaydi.
Investitsiya dasturi Osiyo taraqqiyot banki (OTB) va Jahon bankining qo‘llab-quvvatlashi asosida ishlab chiqilgan.
Izoh (0)