Qashqadaryo viloyati Chiroqchi tumanida yashovchi T.Y. tanishi orqali telefoniga Paynet’dan pul tashlattiradi, deb yozadi “Qashqadaryo” gazetasi.
Biroq unga hisobi to‘ldirilgani haqida SMS kelmaydi. Shunda u “Bilayn” uyali aloqa kompaniyasi operator raqamiga “Shu nomerni tekshirib bering”, “Telefon qiling, savolim bor”, “Javob bering”, “Pul tushmayapti, nimaga ulangan bo‘lsa o‘chirib beringlar?” degan mazmunda xabarlar yozadi.
Operator uning SMS’lariga javob qaytarmaydi.
“Bundan jahli chiqqan T.Y. aloqa kompaniyasi e’tiborini tortishning boshqa yo‘lini topadi. Shunda u operatorga ‘Yordam. terroristlar qo‘lidaman’ deb SMS jo‘natadi. Bilmaydiki, bu bilan boshqa idora e’tiborini ham tortganini. Yigit boyaqish yolg‘on xabar yo‘llagani uchun qo‘lga olindi”, — deyiladi xabarda.
Izoh (0)