3-dekabr, dushanba kuni kelasi mavsum futbol bo‘yicha O‘zbekiston Superligasi ishtirok etish uchun “So‘g‘diyona” va “Mash’al” o‘rtasida o‘tish o‘yini bo‘lib o‘tadi.
Futbol bo‘yicha O‘zbekiston Pro-ligasi hamda Superligada 2018-yilgi mavsum o‘z nihoyasiga yetdi. Endi Superligada quyi o‘rinlarni egallagan va Pro-ligada yuqori o‘rinlardan joy olgan jamoalar o‘rtasida kelasi mavsumda Superligada ishtirok etish imkonini beradigan 2 ta yo‘llanma uchun o‘tish o‘yinlari bo‘lib o‘tadi.
“Mash’al” Superligada 11-o‘rinni egallagan “So‘g‘diyona” jamoasiga qarshi pley-off bahsida maydonga tushsa, “Istiqlol” Superligada 10-o‘rindan joy olgan OKMK jamoasiga qarshi pley-off o‘yinida Superliga yo‘llanmasi uchun bahs olib boradi.
“So‘g‘diyona” – “Mash’al” bahsiga “Paxtakor” stadioni mezbonlik qiladigan bo‘ldi. OKMK – “Istiqlol” o‘yini esa “Lokomotiv” stadionida bo‘lib o‘tadi.
Pley-off o‘yinlari
3-dekabr, dushanba
Toshkent. “Paxtakor” stadioni
“So‘g‘diyona” – “Mash’al” 14:00
4-dekabr, seshanbaToshkent. “Lokomotiv” stadioni
OKMK – “Istiqlol” 14:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Kanalga qo‘shilish uchun: @Daryo_sport
Izoh (0)