19 yoshli Mbappe kuchlik beshlik to‘purarlari orasida yetakchiga aylandi​, undan hatto Ronaldu ham ortda

2-dekabr, yakshanba futbol bo‘yicha Fransiya chempionati 15-turida PSJ “Bordo” maydoniga safar qilib, 2:2 hisobida durang qayd etdi.

Mazkur o‘yinda parijliklar hujumchisi Kilian Mbappe bitta gol urishga erishdi. Bu 19 yoshli Mbappe uchun Liga 1’ning joriy mavsumidagi 12-goli bo‘ldi. Shu tariqa Kilian ayni damda Yevropaning kuchli beshlik chempionatlaridagi eng yaxshi to‘purarga aylanib oldi.

• La Liga to‘purari — Kristian Stuani (“Jirona”) 11 ta gol;
• APL to‘purari — Pyer-Emerik Obameyang (“Arsenal”) 10 ta gol;
• A Seriya to‘purarlari — Krishtianu Ronaldu (“Yuventus”), Kshishtof Pyontek (“Jenoa”) 10 tadan gol;
• Bundesliga to‘purarlari — Pako Alkaser (“Borussiya D”), Luka Yovich (“Ayntraxt F”) — 10 tadan gol.