3 декабрь, душанба куни келаси мавсум футбол бўйича Ўзбекистон Суперлигаси иштирок этиш учун «Сўғдиёна» ва «Машъал» ўртасида ўтиш ўйини бўлиб ўтади.
Футбол бўйича Ўзбекистон Про-лигаси ҳамда Суперлигада 2018 йилги мавсум ўз ниҳоясига етди. Энди Суперлигада қуйи ўринларни эгаллаган ва Про-лигада юқори ўринлардан жой олган жамоалар ўртасида келаси мавсумда Суперлигада иштирок этиш имконини берадиган 2 та йўлланма учун ўтиш ўйинлари бўлиб ўтади.
«Машъал» Суперлигада 11-ўринни эгаллаган «Сўғдиёна» жамоасига қарши плей-офф баҳсида майдонга тушса, «Истиқлол» Суперлигада 10-ўриндан жой олган ОКМК жамоасига қарши плей-офф ўйинида Суперлига йўлланмаси учун баҳс олиб боради.
«Сўғдиёна» – «Машъал» баҳсига «Пахтакор» стадиони мезбонлик қиладиган бўлди. ОКМК – «Истиқлол» ўйини эса «Локомотив» стадионида бўлиб ўтади.
Плей-офф ўйинлари
3 декабрь, душанба
Тошкент. «Пахтакор» стадиони
«Сўғдиёна» – «Машъал» 14:00
4 декабрь, сешанбаТошкент. «Локомотив» стадиони
ОКМК – «Истиқлол» 14:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)