3-dekabr, dushanba kuni kelasi mavsum futbol bo‘yicha O‘zbekiston Superligasi ishtirok etish uchun “So‘g‘diyona” va “Mash’al” o‘rtasida o‘tish o‘yini bo‘lib o‘tdi.
Pro-ligada yuqori o‘rinni band etgan “Mash’al” Superligada 11-o‘rinni egallagan “So‘g‘diyona” jamoasiga qarshi pley-off bahsida maydonga tushib, 1:3 hisobida mag‘lub bo‘ldi. “So‘g‘diyona” safida Shohruz Norxonov, Sernas Darvidas va Oybek Nurmatov bittadan gol urgan bo‘lsa, “Mash’al”ning yagona goli Sardor Rahmonov hisobiga yozildi.
Shu tariqa “So‘g‘diyona” kelasi mavsum ham Superligada o‘ynaydigan bo‘ldi.
4-dekabr kuni Pro-ligada yuqori o‘rinni band etgan jamoalardan biri “Istiqlol” Superligada 10-o‘rindan joy olgan OKMK jamoasiga qarshi pley-off o‘yinida Superliga yo‘llanmasi uchun bahs olib boradi. Mazkur o‘yin “Lokomotiv” stadionida bo‘lib o‘tadi.
Pley-off o‘yinlari
3-dekabr, dushanba
Toshkent. “Paxtakor” stadioni
“So‘g‘diyona” – “Mash’al” 3:1
Gollar: 1:0 — 38 Shohruz Norxonov, 2:0 — 48 Sernas Darvidas, 3:0 — 72 Oybek Nurmatov, 3:1 — 79 Sardor Rahmonov.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Kanalga qo‘shilish uchun: @Daryo_sport
Izoh (0)