3 декабрь, душанба куни келаси мавсум футбол бўйича Ўзбекистон Суперлигаси иштирок этиш учун «Сўғдиёна» ва «Машъал» ўртасида ўтиш ўйини бўлиб ўтди.
Про-лигада юқори ўринни банд этган «Машъал» Суперлигада 11-ўринни эгаллаган «Сўғдиёна» жамоасига қарши плей-офф баҳсида майдонга тушиб, 1:3 ҳисобида мағлуб бўлди. «Сўғдиёна» сафида Шоҳруз Норхонов, Сернас Дарвидас ва Ойбек Нурматов биттадан гол урган бўлса, «Машъал»нинг ягона голи Сардор Раҳмонов ҳисобига ёзилди.
Шу тариқа «Сўғдиёна» келаси мавсум ҳам Суперлигада ўйнайдиган бўлди.
4 декабрь куни Про-лигада юқори ўринни банд этган жамоалардан бири «Истиқлол» Суперлигада 10-ўриндан жой олган ОКМК жамоасига қарши плей-офф ўйинида Суперлига йўлланмаси учун баҳс олиб боради. Мазкур ўйин «Локомотив» стадионида бўлиб ўтади.
Плей-офф ўйинлари
3 декабрь, душанба
Тошкент. «Пахтакор» стадиони
«Сўғдиёна» – «Машъал» 3:1
Голлар: 1:0 — 38 Шоҳруз Норхонов, 2:0 — 48 Сернас Дарвидас, 3:0 — 72 Ойбек Нурматов, 3:1 — 79 Сардор Раҳмонов.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)