Ukraina prezidenti Pyotr Poroshenko 2018-yilda qo‘shimcha ravishda Prime Assets Capital Investitsion jamg‘armasidan olingan 60 million grivenni (2,15 million dollardan ortiq) deklaratsiya qilgan. Bu haqda “Korrespondent.net” xabar berdi.
Xabar berilishicha, joriy yilning boshidan prezidentning jamg‘armadan olgan daromadlari 44,7 million grivenni tashkil qilgan.
Bundan tashqari, Poroshenko yanvar oyidan buyon Moliya vazirligidan qimmatli qog‘ozlar va korporativ huquqlar tasarrufi uchun 28,8 million grivenni, Xalqaro investitsion bankdagi omonatlaridan foiz ko‘rinishidagi 12,4 million grivenni va ko‘chmas mulk sotishdan 0,8 million grivenni deklaratsiya qilgan.
Shu tariqa Ukraina prezidentining 2018-yil boshidan buyon deklaratsiya qilgan daromadlarining umumiy miqdori 186,7 million grivenni (6,69 million dollardan ortiq) tashkil qilgan. Bu summa 2017-yildagiga qaraganda 11,5 marta ko‘p hisoblanadi. O‘tgan yili u 16,3 million grivenni deklaratsiya qilgan.
Izoh (0)