Ukrainaning Cherkas viloyati Xristinov tumanida ikkita yuk mashinasi to‘qnashib ketdi, oqibatda uch kishi halok bo‘ldi, deb yozadi “Korrespondent.net” viloyat politsiyasiga tayanib.
26-noyabr, dushanbaga o‘tar kechasi Striy—Ternopol—Kirovograd—Znamenka avtomobil yo‘lining 526-kilometrida ikkita yuk mashinasi ishtirokida YTH yuz bergan.
Bir-biri bilan ro‘paradan to‘qnashib ketishi natijasida yuk mashinalarining ikkala haydovchisi va bir yo‘lovchi halok bo‘lgan.
Ushbu holat bo‘yicha jinoyat ishi qo‘zg‘atildi. Voqea joyida tergov-tezkor guruhi ishlamoqda.
Izoh (0)