“Roskomnadzor” (Aloqa, axborot texnologiyalari va ommaviy kommunikatsiyalar sohasidagi nazorta bo‘yicha federal xizmat) Google taqiqlangan internet-manbalar ro‘yxatidan iborat tizimga ulanmagani uchun, kompaniyaga nisbatan ma’muriy ish qo‘zg‘adi. Bu haqda “RIA Novosti” xabar bermoqda.
“2018-yil 26-noyabr kuni Google, LLC’ga nisbatan ma’muriy qonunbuzarlik haqida bayonnoma tuzildi”, — deyiladi muassasa xabarida.
Ish dekabrda ko‘rib chiqiladi.
Nashr eslatishicha, 1-oktabrdan Rossiyada qidiruv tizimlariga taqiqlangan axborot yagona reyestriga ulanish va qidiruv natijalarini stop-listdagi saytlardan tozalash majburiyatini yuklovchi qonun kuchga kirdi.
Google reyestrga qo‘shilgani yo‘q. Kompaniyaga 500 dan 700 ming rublgacha jarima solinishi mumkin.
Izoh (0)