Moskvada “KamAZ” yuk mashinasi uni ortiqcha yuk ortilgani uchun to‘xtatib, jarima solish bilan tahdid qilgan Yo‘l harakati xavfsizligi davlat inspeksiyasi inspektorlari mashinasini qum bilan ko‘mib tashladi. Bu haqda “Rossiyskaya gazeta” xabar bermoqda.
Guvohlar so‘zlariga ko‘ra, berilgan ogohlantirishdan keyin yuk mashinasi haydovchisi kabinasiga qaytib kirgan va tasodifan kuzovni boshqaradigan dastakni bosib yuborgan. Xatolik natijasida inspektorlarning xizmat mashinasi qum tagida qolgan.
Oxir-oqibat, haydovchi hududiy politsiya bo‘limiga olib ketilgan va unga nisbatan ma’muriy bayonnomalar tuzilgan.
Izoh (0)