Tojikiston parlamentining quyi palatasi ushbu haftada Dushanbe va Toshkentda ikki davlat elchixonalari qurish uchun yer uchastkalari ajratish to‘g‘risidagi bitimni ratifikatsiya qilishni rejalashtirmoqda. Bitim mart oyida ikki mamlakat hukumati vakillari o‘rtasida imzolangan edi. Bu haqda “Asia Plus” nashriga tayanib, “Turon 24” xabar berdi.
Xabarda aytilishicha, O‘zbekiston Tojikiston elchixonasini qurish uchun Toshkentning Shayxontohur tumanida, Qozog‘istonning O‘zbekistondagi elchixonasi yonidan bir gektar joy ajratadi. Tojikiston Dushanbe shahrida Rossiya, Eron va Afg‘oniston elchixonalarining yonidan bir gektar joyni O‘zbekistonning elchixonasi qurilishi uchun ajratadi.
Ushbu kelishuvni bir necha kun oldin O‘zbekiston parlamenti ratifikatsiya qilgan.
Ajratilgan yerda elchixona binosidan tashqari diplomatlar uchun uy va boshqa kerakli obyektlar quriladi. Barcha qurilish va obodonlashtirish ishlari elchixona tegishli davlat tomonidan moliyalashtiriladi.
Izoh (0)