Тожикистон парламентининг қуйи палатаси ушбу ҳафтада Душанбе ва Тошкентда икки давлат элчихоналари қуриш учун ер участкалари ажратиш тўғрисидаги битимни ратификация қилишни режалаштирмоқда. Битим март ойида икки мамлакат ҳукумати вакиллари ўртасида имзоланган эди. Бу ҳақда «Asia Plus» нашрига таяниб, «Turon 24» хабар берди.
Хабарда айтилишича, Ўзбекистон Тожикистон элчихонасини қуриш учун Тошкентнинг Шайхонтоҳур туманида, Қозоғистоннинг Ўзбекистондаги элчихонаси ёнидан бир гектар жой ажратади. Тожикистон Душанбе шаҳрида Россия, Эрон ва Афғонистон элчихоналарининг ёнидан бир гектар жойни Ўзбекистоннинг элчихонаси қурилиши учун ажратади.
Ушбу келишувни бир неча кун олдин Ўзбекистон парламенти ратификация қилган.
Ажратилган ерда элчихона биносидан ташқари дипломатлар учун уй ва бошқа керакли объектлар қурилади. Барча қурилиш ва ободонлаштириш ишлари элчихона тегишли давлат томонидан молиялаштирилади.
Изоҳ (0)