Putinni Singapurda metall detektordan o‘tishga majburlashdi

Singapurdagi Suntec savdo-ko‘rgazma markazida Rossiya prezidenti Vladimir Putindan metall detektordan o‘tishni so‘rashdi, deb yozadi “Kommersant”. U yerga u Rossiya — ASEAN sammitida ishtirok etish uchun borgan edi.

Putin “odatdagiday” o‘tib ketmoqchi bo‘lgan, ammo uni metall detektorga “qayta yo‘naltirishgan”.

“Bunday hollarda metall detektor undan boshqa har qanday kishi uchun qo‘yiladi. Shunga qaramay, Vladimir Putinni sekingina detektorga yo‘naltirishdi”, — deyiladi xabarda.

Ta’kidlanishicha, bunday vaziyat kamdan kam yuz beradi, chunki odatda rasmiy tadbirlarda davlat rahbarlari va vazirlar uchun taftish bo‘lmagan alohida kirish eshigi ochiladi.

Qo‘shimcha qilinishicha, prezident detektordan o‘tganida u jiringlab ketgan.

Конфуз дня: Сингапурцы оттесняют российскую делегацию во главе с Лавровым, чтобы освободить место для рукопожатия президентов России и Сингапура.
Маленькая страна, места мало pic.twitter.com/b2N7OgSiIc

— Дмитрий Смирнов (@dimsmirnov175) November 13, 2018