Samsung kompaniyasi mobil telefonlar uchun mo‘ljallangan 8 nanometrli Exynos 9820 protsessorini taqdim etdi. Aynan mana shu protsessor bo‘lajak Samsung Galaxy S10 smartfoniga o‘rnatilishi ehtimoli yuqori, deb yozmoqda “Korrespondent.net”.
Chipdagi asosiy yangilik uning 8 nanomatrli LPP FinFET protsessidan foydalanib ishlab chiqarilishi hisoblanadi. Aynan shuning hisobiga yangi chip 10 nanometrlidan ko‘ra 10 foiz kam energiya talab qilishi kutilmoqda.
Yangi chipni yaratishda Samsung to‘rtinchi avlod yadrolaridan foydalangan. Yangi texnologiya hisobiga samaradorlik sezilarli darajada oshishi kerak. Chip bilan birga GPU Mali-G76 MP12 grafik protsessori to‘plam tarkibiga kiradi.
Izoh (0)