Rossiyada xaridor Apple smartfonini sotib olish uchun do‘konga bir vanna chaqa pul ko‘tarib keldi. Bu haqda TJournal xabar bermoqda.
Hodisa fotosi va izohini Apple’ning rasmiy riteyleri hisoblangan re:Store do‘konini boshqaruvchi Inventive Retail Group kompaniyasi matbuot kotibi Lyudmila Syomushina Facebook’da e’lon qildi.
Semushinaning so‘zlariga ko‘ra, xaridor tanga pullar bilan to‘ldirilgan vannani “shunday ko‘chadan” ko‘tarib kelgan. Suratda sotuvchi pulni qo‘lda sanash bilan bandligini ko‘rish mumkin, chunki do‘konda tangani avtomatik sanab beradigan qurilma yo‘q.
Xaridorning so‘zlariga ko‘ra, vannada 100 ming rublga yaqin pul bo‘lgan. Tangalar sanab bo‘linganidan so‘ng, u xotirasi 256 gigabaytga teng iPhone XS smartfonini sotib olishga muvaffaq bo‘lgan.
Izoh (0)