Xakerlar Twitter’da bir nechta mashhur firmalar akkauntlariga hujum qildi, deb yozadi Meduza.
Ular orasida Britaniyaning Pathe UK kinostudiyasi, Amerikaning Pantheon Books nashriyoti, shuningdek, Matalan kiyim-kechak do‘koni ham bor. Firibgarlar ularni Ilon Maskning sahifasi niqobi ostiga olish uchun, akkauntlarning nomlarini va avatarkalarini o‘zgartirdi.
Akkauntlarni qo‘lga kiritgach, firibgarlar Ilon Mask nomidan bitkoinlarni tarqatish aksiyasi bo‘layotgani, ularni olish uchun maxsus hisobga kriptovalyutada kichik summani o‘tkazish kerakligini ma’lum qildi. Shu tariqa, xakerlar foydalanuvchilardan 170 ming dollarlik bitkoinlarni yig‘ib olishga muvaffaq bo‘ldi.
So‘nggi oylarda Maskning nomidan foydalanish xakerlar orasida shunchalik ommalashib ketdiki, sentabrda xatolik tufayli uning haqiqiy akkaunti bloklab qo‘yilgandi.
Izoh (0)