Argentinalik mutaxassis Madridning “Real” klubini 2021-yilgacha boshqaradigan bo‘ldi. Bu haqda klub rasmiy saytida xabar berildi.
Solari hozirgacha bosh murabbiy vazifasini vaqtincha boshqarib kelayotgandi. Xulen Lopetegi ishdan bo‘shatilgacha, “Real” Solari qo‘l ostida 4 ta o‘yin o‘tkazdi. Va ularning barchasida g‘alaba qozondi. To′plar nisbati esa 15:2.
Ma’lumot uchun, “Real”ga bosh murabbiy bo‘lgunga qadar u “Qirollik klubi”ning ikkinchi jamoasida ishlab kelgan. Solari “Real” safida 2000—2005-yillarda to‘p surgan. U 208 ta o‘yinda 22 ta gol kiritishga erishgan.
“Real” ayni damda musobaqa jadvalida 12 turdan so‘ng 20 ochko jamg‘arib 6-o‘rinda ketmoqda. Peshqadam “Barselona” hisobida esa 24 ochko mavjud.
Izoh (0)