Lenovo xalqaro konserni vakillari o‘zbekistonlik hamkorlari bilan muloqot o‘tkazishdi.
Shu yilning 18-oktabr kuni Toshkentning Wyndham mehmonxonasida Lenovo Partner Day anjumani bo‘lib o‘tdi. O‘zbekistonning yirik va ko‘zga ko‘ringan IT-riteylerlari to‘plangan tadbir Central Asia Distribution bilan hamkorlikda tashkil etildi.
Unda Lenovo konsernining Markaziy Osiyo mamlakatlaridagi vakili Aleksandr Kim anjuman spikerlaridan biri bo‘ldi. U o‘z ma’ruzasida qo‘shni Qozog‘iston bozorida amalga oshirilgan muvaffaqiyatli marketing strategiyalari xususida so‘z yuritdi hamda hamkorlar saviyasini oshirish Lenovo konserniga nima uchun muhimligini tushuntirib berdi. Bundan tashqari, u zamonaviy foydalanuvchilarning talablari, trendlar va mahalliy bozorda savdolar hajmini oshirish imkoniyatlari xususida qarashlari bilan o‘rtoqlashdi.
Tadbirda Lenovo konsernining xalqaro treneri Arman Baxtiboyev ham ishtirok etib, Lenovo mahsulotlarining ustunliklari, kompaniya tomonidan joriy etilayotgan yangi texnologiyalar hamda taqdimoti kutilayotgan mahsulotlar, shuningdek, arzon va high-tasnifi mahsulotlari o‘rtasidagi farqni izohlab berdi.
U mahsulotlar xususida so‘z yuritar ekan, bir nechta qiziqarli modellarga e’tibor qaratdi:
“Budjet segmentida uncha qimmat bo‘lmagan ulkan assortimentga egamiz. Lenovo V va Ideapad 300/500 seriyasidagi samarador noutbuklar shular jumlasidan. Ular unchalik qimmat bo‘lmasligiga qaramay, mustahkam metall korpus va har qanday maqsad hamda vazifalarga xizmat qilishi mumkin bo‘lgan ko‘rsatkichlar bilan farqlanadi. ThinkPad P noutbuklari, aksincha, yuqori samaradorlik va quvvatli texnikaga ehtiyoji borlar uchun haqiqiy ko‘chma ish stansiyasidir. Lenovo o‘ta yuqa noutbuklar segmentida Yoga va Ideapad Miix tasnifidagi nafis noutbuklarini taklif etadi. Kompaniya ularni ishlab chiqishda noodatiy va innovatsion yechimlardan foydalangan. Misol uchun, IdeaPad Miix 700 nostandart burilish mexanizmiga ega bo‘lib, u qo‘l soatlarining metall tasmasini yodga soladi. Yoga S730 noutbugi o‘ziga xos sovutish tizimiga ega bo‘lib, havoni klaviatura ostiga yashiringan qo‘shimcha tirqishlar orqali tortadi”.
1984-yili asos solingan Lenovo kompaniyasi – dunyoning 160 dan ortiq mamlakatida rasman faoliyat yuritib, bozorning 21 foizini egallagan yirik shaxsiy kompyuterlar ishlab chiqaruvchi hisoblanadi. Lenovo standartlar va stereotiplardan voz kechar ekan, o‘z mijozlarini noodatiy yechimlar bilan hayratga solib, lol qoldirishda davom etmoqda.
CA Distribution Markaziy Osiyo va Kavkaz mamlakatlarida IT mahsulotlarini yetkazib berishda 20 yildan ortiq vaqt mobaynida yetakchilardan bo‘lgan Abris Distribution kompaniyasining O‘zbekistondagi bosh hamkori hisoblanadi.
Batafsil ma’lumot: www.lenovo.com
E-mail: info@ca-dc.uz
Reklama huquqi asosida
Izoh (0)