O‘zbekistonlik bloger Umid G‘afurov (“Troll.uz”) qamoqda o‘tirib chiqqani va oliy ma’lumotga ega emasligi haqida mish-mishlar tarqatgan talabalar o‘z qilmishlaridan pushaymon bo‘lib, uzr so‘radi, deb yozadi “Podrobno.uz”.
Avvalroq bloger Toshkent axborot texnologiyalari universiteti (TATU) rektori nomiga ochiq xat yozgan edi. Unda Umid G‘afurov, xususan, u rahbarlik qilayotgan oliygoh talabalari va o‘qituvchilari u haqda yolg‘on xabar tarqatayotgani, bular shu jumladan hech qayerda o‘qimagan va qamoqda o‘tirgan degan xabarlar ekanligini aytgan edi.
“TATU rektori bilan suhbat bo‘lib o‘tdi. Aybdorlar o‘z uzrlarini so‘radilar. Yotoqxonada kompyuter ishlatish man etilgani haqida so‘radim. Javoblari kechroq bo‘ladi. Suhbat so‘ngida rektor birgalikda loyihalar amalga oshirish tarafdori ekanliklarini aytdilar. Bu ishni sudga oshirish uchun asos qolmadi. Aybdorlar o‘z xatolarini tan olishdi va qilmishlaridan pushaymon. Har bir aytilgan gap uchun javobgarlik borligini unutmang”, — deb yozdi bloger.
Izoh (0)