Chilonzor tumanining “Katta Chilonzor-1” mahallasi “Obod mahalla” davlat dasturi asosida obod qilinib foydalanishga topshirildi. Bu haqda Toshkent shahar hokimligi matbuot xizmati xabar berdi.
Mahallada MFY idorasi xodimlari, profilaktika inspektorlari uchun bino, kommunal to‘lovlari shoxobchasi, bolalar va sport maydonchalari barpo etildi. Shu bilan birga mazkur hududda joylashgan 66-sonli imkoniyati cheklangan bolalar uchun ixtisoslashtirilgan maktabga tuman prokuraturasi homiyligida pazandachilik xonasi tashkil etilib, zamonaviy jihozlar, katta muzlatgich, elektr plita bilan jihozlandi. O‘quvchilarga 10 dona kompyuter to‘plami, tikuv mashinalari sovg‘a qilindi.
Hududning yo‘laklariga asfalt yotqizilib, irrigatsiya tarmoqlari yangilandi, shuningdek ko‘p qavatli uylarning fasadlari ta’mirlanib, daraxtlarga shakl berildi. Bir so‘z bilan aytganda hududda obodonlashtirish va ko‘kalamzorlashtirish ishlari yuqori saviyada tashkil etildi.Yana bir yangilik, “Obod mahalla” davlat dasturi asosida Chilonzor tumanining “Xirmontepa” mahallasi ham foydalanishga topshirildi.
Izoh (0)