Buyuk Britaniyaning afsonaviy The Beatles guruhining yangi klipi internetda paydo bo‘ldi, deb yozmoqda “RIA Novosti”.
Glass Onion qo‘shig‘iga olingan video “Liverpul to‘rtligi” ishtirokchilari arxiv suratlarining jonlantirilgan kollajlaridan tashkil topgan.
Rolik Pol Makkartni va britaniyalik rassom Richard Gamilton tomonidan yaratilgan. Rassom 1968-yilda taqdim etilgan White Album albomining muqovasi muallifi bo‘lgan. Glass Onion qo‘shig‘i mazkur albomdan joy olgan edi.
White Album 63 kun davomida Billboard xit-paradida yetakchilik qilgan va 22 kun davomida UK Albums Chart reytingiga kirgan.
Joriy yilning 9-noyabrda albomning yubileyi munosabati bilan u qayta taqdim etiladi.
The Beatles guruhiga 1960-yilda asos solingan. Uning tarkibida Jon Lennon, Pol Makkartni, Jorj Xarrison va Ringo Starr ijro etgan. Shuningdek, jamoaga turli vaqtlarda Styuart Satkliff, Pit Best va Jimmi Nikol qo‘shilgan. Guruh jami 13 ta studiya albomini taqdim etgan.
Rolling Stone jurnali The Beatles a’zolarini barcha davrlarning eng buyuk ijrochilari deb tan olgan. Jamoa 1970-yilda birgalikdagi faoliyatni to‘xtatgan.
Izoh (0)