Ispaniyalik taniqli qo‘shiqchi Xulio Iglesias o‘zining yubiley turini Toshkentda konsert berish bilan boshladi, deb yozadi UzNews.
Ijodining 50 yilligi sharofati bilan tashkil qilingan gastrol safari doirasida Xulio Iglesias 10-sentabr kuni Xalqlar do‘stligi saroyi sahnasida kuyladi.
Konsert taniqli metsenat Alisher Usmonov ko‘magida bo‘lib o‘tdi, chiptalar bepul tarqatildi. Ta’kidlanishicha, bu ispan qo‘shiqchisining o‘zbek muxlislari bilan ikkinchi uchrashuvi bo‘ldi.
Eslatib o‘tamiz, 2017-yil 28-dekabr kuni Xulio Iglesiasning o‘g‘li — Enrike Iglesias ilk marta O‘zbekistonga tashrif buyurib, “Istiqlol” san’at saroyida konsert dasturini taqdim etgan edi.
Izoh (0)