The Beatles гуруҳи янги клипни тақдим этди

Буюк Британиянинг афсонавий The Beatles гуруҳининг янги клипи интернетда пайдо бўлди, деб ёзмоқда «РИА Новости».

Glass Onion қўшиғига олинган видео «Ливерпуль тўртлиги» иштирокчилари архив суратларининг жонлантирилган коллажларидан ташкил топган.

Ролик Пол Маккартни ва британиялик рассом Ричард Гамилтон томонидан яратилган. Рассом 1968 йилда тақдим этилган White Album альбомининг муқоваси муаллифи бўлган. Glass Onion қўшиғи мазкур альбомдан жой олган эди.

White Album 63 кун давомида Billboard хит-парадида етакчилик қилган ва 22 кун давомида УК Албумс Чарт рейтингига кирган.

Жорий йилнинг 9 ноябрда альбомнинг юбилейи муносабати билан у қайта тақдим этилади.

The Beatles гуруҳига 1960 йилда асос солинган. Унинг таркибида Жон Леннон, Пол Маккартни, Жорж Харрисон ва Ринго Старп ижро этган. Шунингдек, жамоага турли вақтларда Стюарт Сатклифф, Пит Бест ва Жимми Никол қўшилган. Гуруҳ жами 13 та студия альбомини тақдим этган.

Rolling Stone журнали The Beatles аъзоларини барча даврларнинг энг буюк ижрочилари деб тан олган. Жамоа 1970 йилда биргаликдаги фаолиятни тўхтатган.